Felices Vacacións

Pasade un moi bo verán e disfrutade da familia e dun moi merecido descanso.

Lede moito e, como seguramente ides ter tempo para todo, dádelle unha ollada ás recomendacións que vos deixo no "Diario de 5ºB"

Festa cos afillados

Como bos padriños lectores, agasallamos aos nosos afillados cun conto de "Bichos" e logo compartimos con eles unha boa merendola. Para rematar os nosos artistas tíñande preparadas varias actuacións. Tamén eles nos sorprenderon cun baile moi bonito.
Levaremos no recordo un precioso corazón na que padriño e afillado se collén da man para seguir xuntos no mundo dos soños e os contos, tamén no verán.

Festival de Fin de curso

Tivemos un festival de fin de curso cunhas actuacións preciosas e moi emotivas. Parabéns para todos e moi especialmente para a profe de música. Os nosos rapaces de 51 A e 51 B tiñan preparados uns bailes que namoraron a todo o público. Fixérono xenial.
Parabéns.

Saída a Campolameiro

A saída de mañá será dentro do horario escolar, de 9 a 14 h. Polo tanto traede na mochila so o indispensable que traedes para calquera recreo (merenda e auga) e unha libretiña pequena para tomar notas, ao igual que na saída que fixemos a Coruña. Nada de libros nin libretas de aula!!!
Desta volta, por precaución, deberiades poñervos protección solar na cara e traer tamén unha gorra para o sol.
Xa sabedes, calzado cómodo! E a disfrutar do contorno no que se moveron os nosos antergos.

Navega con rumbo

Hoxe tivemos unha charla titulada "Navega con rumbo" na que nos explicaron como navegar por internet de forma segura. Vimos un vídeo que nos impactou bastante e aprendemos a non facer caso dos bulos, a utilizar o CCO, a evitar os SPAM, a ter contrasinais seguros, a non quedar con descoñecidos sin que o saiban nosos pais e,moi especialmente, a coidar moito a nosa vida privada.Teñámolo sempre presente.

Teatro na aula

Uau!!!
Menuda sorpresa!
Hoxe, máis de media clase tiña preparada unha nova versión dunha peza de teatro que eles inventaran e xa representaran a principio de curso. Malia que a peza empezou sendo unha obra de medo, rematou moi ben.
A iniciativa coincidiu coa sesión de teatro lido que viña despois e á que lle puxeron voz outros compañeiros.
Parabéns para todos.

De compras na praza

Chegou o día tan esperado e por fin puidemos ir comprar á praza de abastos.
Cada equipo dispoñía de 10 € para facer a compra. Tiña que preparar un menú para catro persoas que incluíse un primeiro prato, segundo prato e sobremesa. Por suposto, debía ter peixe, froita e verduras. Tamén podían completalo con carne, pasta, patacas e, como non, queixo.
Todos os grupos acadaron satisfactoriamente o obxectivo previsto facendo unha compra equilibrada e suficiente  cos cartos asignados. Todos, ademais, prepararon pratos diferente e mesmo foi diferente a froita que escolleron de sobremesa.
Cabe destacar tamén o ben que se organizaron e o seu comportamento. Moitos foron agasallados, polo seu bo facer, con descontos especiais ou mesmo con algún produto fresco.
Foi un pracer vervos tan autónomos e autosuficientes tomando decisións equilibradas e saudables. Parabéns, rapaces.

 Todos os equipos mercaron leituga (de distinto tipo) e pataca do país. Polo demais a ampla diversidade nas súas eleccións en peixe, carne e froita, como puidemos comprobar ao chegarmos a clase e facer a táboa comparativa e a exposición de produtos.

Teatro e Coro das Emocións

Onte tivo lugar a actuación do grupo de teatro do colexio que representou as obras "Viaxe a Algunha parte" e "Coida a túa lingua". Nelas participaron tres alumnos da nosa clase. Os tres merecen a máis grande noraboa pola súa excelente actuación e por estar tan pendentes de todos os detalles para que todo saíse ben.

De seguido toda a clase, xunto cos compañeiros de 5ºA interpretaron dúas peza que xa tiñan preparadas para o Corodas Emocións. Moi bonitas as dúas e moi difíciles de interpretar.

O broche de ouro puxérono as actuacións do alumnado de 6º, realmente excelentes e que nos deixaron abraiados pola súa calidade, beleza e coordinación. Parabén a todos e moi especialmente á profesora Lucía.

Dando a volta a Europa

Hoxe, o grupo dos Inmortais fixo a súa exposición sobre Europa (Croacia)

Este grupo está formado por María, Alonso, Eloy e Dani (eu)

Falaron das comidas típicas e moitas outras cousas de interese.

Autor: Dani

Circuitos electricos!!!!!

Hoxe día 28 de maio, eu, Román, queríavos falar dos nosos proxectos de ciencias naturais . Unha semana, a profe Rosa, propúxonos facer circuitos electricos .
O primeiro neno que fixo un foi Cristian,os outros foron Dani, Maria, Eloy e Alonso que presentaron un faro moi chulo que tiña musgo e luz vermella. Despois foron Miguel , José , Iria e Lara . Un pouco antes do último  trouxo o circuito Kathia. Cando puideron, os do equipo Inseparables formado por Kathia, Raúl , Érika e Sabela Palacios trouxeron a rotonda con luz e focos. O penútimo dos equipos foi "4 Fantásticos" formado por Laura, Cristian , Sabela Seijo e Mariña que presentaron unha casa e unha especie de coche con motor e luz . Terminarán os de Cinco Noites formado por Román ( eu ), Aitana , Marycielo e Pedro que primeiro expuxerán un ``coche ´´ e por último eu presentarei unha`` cociña ´´

Ata aquí nosa información de hoxe  ( :  D FELIZ!!!)
Vémonos en próximas reportaxes. 
Un saudo xigante.

 Autor: Román

Tempos verbais

Para que practiquéis de una forma más divertida con los tiempos verbales, podeis escoger alguno de los siguientes enlaces:

EL VERBO	Verbos Tiempos verbales
NÚMERO Y PERSONA
EL VERBO: NÚMERO Y PERSONA
EL VERBO II
LAS FORMAS VERBALES
PERSONA Y NÚMERO
EL VERBO: NÚMERO Y PERSONA II
EL VERBO: NÚMERO Y PERSONA III
REPASO: 1 2 3 4 5 6 7 8 9 10 11 12 13 14
CONJUGADOR DE VERBOS
TIEMPO Y MODO
CRUCIGRAMA
PRESENTE, PASADO Y FUTURO
INFINITIVO, GERUNDIO Y PARTICIPIO
EL TIEMPO Y EL MODO
EL VERBO: TIEMPO Y MODO
EL VERBO Y LA ORACIÓN CASTELLANA
TIEMPOS VERBALES
EL VERBO: TIEMPO Y MODO II
EL VERBO: TIEMPO Y MODO III
LOS TIEMPOS VERBALES
TEST: EL VERBO
EL MODO
EL MODO VERBAL
CLASIFICA LOS TIEMPOS VERBALES
RELACIONA CADA FORMA VERBAL

A voltas co xornal

Hoxe descubrimos á nosa compañeira Kathia nas páxinas do xornal, pois ademais de ser a nosa delegada e unha marabillosa lectora, actriz, cantante e bailarina ten tempo para prestar a súa axuda na confección das alfombras que lucirán este domingo nas rúas de Cambados. Desde tan pequena destaca xa a súa implicación  como voluntaria na vida parroquial. Todo un orgullo!

Pero, non podemos deixar atrás a outro dos nosos alumnos: Brais, que destaca na súa actividade futboleira e fora escollido, meses atrás, para facer a entrega de  premios a Changui, acompañado de Iago Aspas, nada menos.

E vendo o xornal, os nosos expertos lectores descubriron unha "Entrevista" moi interesante que, aínda así, non tiña nada que envexar das que eles mesmos realizaron este fin de semana e que nos deixaron impresionados. Están feitos uns reporteiros!

Román e o Titanic

Hoxe rematou a clase dunha maneira moi especial. O noso compañeiro Román interpretou para todos un anaquiño da partitura de "Titanic" coa flauta. Foi precioso e moi emocionante. Grazas, Román.

Máis circuitos

Hoxe o equipo "4 Fantásticos presentounos un traballo con dous circuitos diferentes. Xogaron ademais co efecto do papel celofán para crear ambientes diferentes na iluminación e mesmo reciclaron xoguetes vellos para facer a montaxe e a decoración. Non quedou moi claro se nos presentaban unha casa (era o que pretendían) ou un piso (como suxerían algúns nenos da clase), pero ... casa ou piso, o efecto estivo moi conseguido e o traballo quedou moi ben.
Cada vez síntense máis autónomos e xa se animan a facer máis partes dos traballos sen a colaboración das nais e pais. Diso se trata. De buscar a máxima autonomía de cada equipo na toma de decisións e na execución dos traballos. Pouco a pouco irémolo conseguindo todos.

Fai uns días Laura sorprendeunos con outro traballo que preparou en solitario. no que combinou a transformación da enerxía electrica en enerxía luminosa e en enerxía mecánica.

Érica Esmorís estivo no colexio

Hoxe estivo con nós Érica Esmorís, a autora do libro "Nena e o mar", gañadora do Premio Merlín da editorial Xerais. Aprendemos moitas cousas con ela sobre o seu libro, pero moi especialmente sobre o proceso de creación dunha obra. A autora, en concreto, sigue 8 pasos que considera fundamentais no proceso de creación: 1.Sentimento, 2.Incubadora, 3.Biografías, 4. Delirio, 5. Capítulos,  6. Documentación, 7. Escrita, 8. Paciencia.
Aprendemos moito con ela e foi moi interesante.

Seguimos de turismo por Europa

Hoxe o equipo Inseparables presentounos a Noruega. Faléronos dos lindes, recordamos os Océanos Atlántico e Glacial Ártico. Sorprendeunos que nas súas comidas típicas figurase a cabeza de cabuxa e aínda máis que celebrasen a festa da tomatina. Moi interesante Equipo Inseparable.

Onte presentáronos Grecia e, ademais de recordar algúns dos seus monumentos e comidas típicas descubrimos que tiña moita semellanza con Italia. Por qué será?

Letras Galegas 2016

Hoxe, como todos os anos, estivemos de novo na Calzada, diante da estatua de Ramón Cabanillas. Logo da ofrenda floral, cada colexio recitou ou interpretou con música diversos poemas de Manuel María. Cantamos o himno e bailamos un pouco ao son da gaita. Logo vimos os carteis que os centro de ensino prepararon encol do poeta. Foi unha mañá intensa. Desta volta tivemos un cometido engadido. Fomos cos nosos afillados e de nós dependía conseguir un perfecto silenzo no recitado. E así foi. Rapaces, fixéchedelo moi ben.

Máis circuitos

Cada vez son máis soprendentes as montaxes e a creatividade dos nosos compañeiros: Desta volta sorprendéronos cunha réplica da rotonda de Vilariño dotada de farolas que se activan so cando pasan os coches ao tempo que encenden unha luz vermella que indica, n cruce correspondente, quen ten que falar.
Sorprendente, rapaces. Noraboa!!!

Homenaxe a Manuel María

Onte pola noite, os centros de ensino de Cambados rendironlle unha especial homenaxe a Manuel María. O noso centro recitou dous poemas, "Galicia" e "Eu son Manuel María" que interpretaron Raúl, Iria, Ériaka, Kathia e Cristian. Fixérono realmente ben. A nosa máis sincera noraboa a eles a a todos os que participaron no acto.

Maxia e Música con Ramón María no Auditorio

Hoxe acudimos ao Auditorio para aprender moitas cousas sobre Manuel María dunha forma ben distinta. Nada menos que a través da maxia e da música.
Ao remate da actuación fixéronlle unha entrevista a algúns dos nenos de teatro. Houbo moita emoción e moitos nervios e puidemos ver que, aínda nos quedan moitas cousas por aprender!

Circuitos sorprendentes.

Hoxe presentounos a súa montaxe o grupo dos Superheroes e deixounos abraiados. Fixeron un faro co seu correspondente peirao con materiais de refugallo e con moita calidade. Por suposto, cun funcionamento perfecto.

Pero a sorpresa maior tróuxonola a nosa delegada, Kathia. que estivo enferma a semana pasada, pero non quería perderse a experiencia de preparar tamén un circuito e ... "meu dito, meu feito", con paciencia, ilusión, creatividade e a inestimable colaboración do seu pai realizou unha montaxe incrible combinando material de refugallo, catro bombillas pequerrechas e un motor que fai xirar as aspas dun muíño. Así vemos que a enerxía eléctrica non so se convirte en enerxía luminosa, senón tamén en enerxía mecánica. A transmisión da electricidade foi  moi orixinal, pois utilizou un trozo de lata que podemos ir xirando e segundo faga contacto cun ou outro cable teremos luz ou o movemento das aspas do que xa falamos. Incrible, Kathia!

Parabéns para todos!!

Manuel María. A boneca

Circuitos

Xa andamos a voltas coa enerxía, o impacto ambiental do abuso no consumo e como non, os circuitos. O luns Cristian adiantose a toda a clase cheo de ilusión e presentounos unha modernista casiña (coa familia dentro) chea de luz.

 Hoxe inician a rolda de exposicións o equipo Inmortais que nos sorprendeu cun fantástico "FARO". Precioso.

Concerto Didáctico no Auditorio

Hoxe tivemos a sorte de acudir ao Auditorio "A Xuventude" para escoitar a banda de Música do Conservatorio. Entre os seus integrantes estaba o noso compañeiro Miguel. A interpretación de toda a Banda poi ben bonita, pero gustounos especialmente ter escoitado a Miguel. Toda a actuación foi moi divertida porque mesturaba, teatro, música e algo de cine. E  todo cunhas divertidas pinceladas de humor que nos deixaron moi sorprendidos. Noraboa!

Exercicios sobre superficies e áreas

Unidad 11: Superficie	Web interactivas	Jclic y Otras lenguas
El metro cuadrado y sus múltiplos. Relaciones	ÁREAS Y PERÍMETROS	SUPERFICIE CA - EU - GA - VA LA SUPERFICIE II EU - GA LA SUPERFICIE DE ALGUNOS ELEMENTOS DE NUESTRA VIDA COTIDIANA EU
	SUPERFICIE
	LA SUPERFICIE I
	LA SUPERFICIE II
	EL ÁREA
	UNIDADES DE SUPERFICIE
	LA SUPERFICIE DE ALGUNOS ELEMENTOS DE NUESTRA VIDA COTIDIANA
	MIDIENDO ÁREAS
	PERÍMETROS Y ÁREAS
	UNIDADES DE SUPERFICIE II

A voltas con Cervantes

Hoxe Sabela P, presentounos unha ligazón que nos resumíu moi ben o que xa estivemos traballando sobre Miguel de Cervantes os días pasados. Para vela con máis calma podedes pinchar na imaxe.



Moitos trouxéchedes información moi interesante sobre este autor. María resumiuna moi ben, logo de consultar  en internet, como podedes ver:

Calculando superficies

O cambio de unidades de superficie non é moi doado de entender. Así é que empezamos manipulando.