Festival

O día do Festival de Nadal deste ano formará parte da historia do colexio xa que, despois de case dez anos, volveron asistir as nais e pais do alumnado para disfrutar das actuacións dos seus fillos.
Para ver os vídeos coas grabacións podedes clicar na seguinte ligazón:
Canción 50 aniversario
Teatro
La zarza
Oh happy day
Para ver as actuacións dos demais cursos podedes acceder dende a páxina principal do colexio na seguinte ligazón:
Outras actuacións

Cabe felicitar a todos os que colaboraron para que este día fose realmente especial, empezando pola profesora de música que conseguiu un nivel de canto, de afinación en todos os grupos ... de beleza,  impresionante; ao profesorado de inglés, polo nivel acadado na pronunciación das panxoliñas en lingua inglesa;  ao profe Beni, pola composición da canción que introduciu o festival para conmemorar o 50 Aniversario do colexio; á profe Esther por preparar todos os decorados, ao noso director Alfonso por realizar todas as xestións para conseguir o escenario, as cadeiras, as cortinas; a Jorge, pola supervisión do equipo de imaxe e son e, como non, a todos os titores e especialistas que se implicaron para conseguir un gran día e unha gran festa compartida.

Despois do festival a nosa aula acolleu aos seus afillados lectores, aos que lles entregamos un corazón co desexo dunhas Felices Festas, e cos que compartimos unha merendola. O día rematou cunha festa na que todos acabamos bailando.

Trala entrega de notas, acadamos o compromiso de seguir traballando para aprender máis cada día.

Visita ao Asilo

O pasado mércores visitamos a Residencia de Anciáns.

 Alí cantámoslle varias panxoliñas aos nosos maiores e saudámolos con moito cariño desexándolles unhas moi felices festas.

 Logo visitamos a exposición de Beléns do mundo e quedamos realmente abraiados vendo Beléns tan variados e creativos dos cinco continentes.

Foi unha experiencia preciosa e cabe felicitar o marabilloso comportamento e cariño que amosaron todos e cada un dos nenos e nenas da clase. Todo un orgullo!

Limpando a praia

Hoxe realizamos unha actividade moi bonita e de grande responsabilidade para o coidado do medio, e moi especialmente para o coidado do noso ecosistema mariño.
 Escoitamos a Luis que nos presentaba na aula os distintos animais e prantas que podiamos atopar na zona de exploración.

 Logo saímos cara o Muíño da Seca para recoller o lixo da contorna e clasificalo, para logo botar nos contedores correspondentes.

 Vimos garcetas, garzas reais, espátulas, ocas e, por suposto, gaivotas.

 Recollemos lixo de todo tipo, pero o que máis abundaba eran os plásticos. Había latas, vidro, metais, redes, materiais de construción ...

Intentando recoller unhas latas, o noso compañeiro Mateo quedou atrapado no fango e non conseguía saír. Foron ao seu rescate Iago, Vicki e Gio, pero tamén quedaban enterrados. Finalmente, unha das monitoras, Antía, conseguíu sacalo, pero quedaron enterrados os seus zapatos deportivos. Menos mal que Luis, outro dos monitores, conseguiu recuperalos, do contrario quedarían formando parte do lixo que emporcalla as nosas Rías.

 Todos aprendemos que é moi complicado limpar e recoller, incluso perigoso. Pola contra apenas nos costa traballo tirar o lixo no contedor correspondente, Fagámolo ben, polo ben de todos.

 Grazas Mateo, pola túa implicación; aos demais por seren tan bos compañeiros, responsables e solidarios;  e aos monitores por facernos partícipes dunha experiencia única.

Ecosistemas

Xa nos presentaron os últimos ecosistemas:
O equipo Molóns expuxo o ecosistema da selva amazónica e sorprendeunos con moitos dos animais que alí habitan.

O equipo dos Bananas presentou un ecosistema mariño.

Vimos tamén moitos tipos de animais e aproveitamos para repasar as condicións do medio físico que tanto inflúen neste tipo de ecosistemas.
Grazas, equipos!

Constitución e Estatuto.

Como en anos anteriores, na víspera da celebración da Constitución e do Estatuto de Autonomía xuntámonos todos os rapaces e rapazas do centro para recordar esta data e lermos artigos das dúas cartas magnas.

Os artigos que lemos os alumnos e alumnas da nosa aula estaban relacionados coa Facenda e o pago dos impostos, concretamente o artigo 31 da Constitución e os artigos 42 e 44 do Estatuto de Autonomía. Para facerllos máis doados de entender aos máis pequeniños preparamos unha pequena representación na que iamos poñendo cartos na caixa da Facenda do Estado español , logo viamos como chegaban os cartos á caixa da Facenda de Galicia e por último escoitamos en que se ían gastar os cartos antes recaudados. Os máis pequenos estiveron moi atentos e seguramente o entenderon moi ben.

Decálogo

Varios nenos presentaron hoxe os seus decálogos para evitar o quencemento global e o cambio climático. Unha das propostas máis orixinais foi a de Martiño, xa que fixo un preciosos móbil con cartón de leite de reciclaxe. Quedoulle ben bonito. Tamén puidemos aprender moito das propostas de outros compañeiros: onde tirar en Cambados o aceite (que nunca se pode tirar polo fregadeiro), ou como evitar o uso de aerosoles, reducir o consumo de plásticos ... Moito para pensar. E para practicar, por suposto!

Produtos para a cooperativa

Hoxe varios compañeiros presentaron as súas propostas de produtos para a cooperativa. Algún moi orixinais e interesantes. Outros moi bonitos, pero tal vez algo caros. Haberá que valorar si son viables no estudo de mercado. Xa temos ganas de ir coñecendo máis propostas.Mirlitón de Brais

Vaso decorativo de Mateo S

Libretiña de notas de Carolina

 Postal de Cambados de Candela

Caixiña sorpresa de Salomé

 Pinzas suxeitapapeis de Martiño

Peonza de Nicolás

 Pelotiña saltarina de Irene

Chaveiro de Mateo M

 Tres en raia de Mencía

Visita á Deputación

Hoxe, fomos á Deputación de Pontevedra para recoller o CIF da nosa empresa  IC Magariños. 

Ensináronnos algunhas dependencias desta institución como a Sala de Plenos,a Sala de Xunta de Goberno 

e a Sala das Comisións (alí vimos un cadro de cando Mariano Rajoy foi presidente da Deputación) 

As escalinatas eran ben bonitas: 

Os presidentes das cooperativas presentaron o traballo realizado en cada colexio.
A presidenta da Deputación, Carmela Silva falounos de que lle gustaba moito que houbese mulleres emprendedoras, que todos traballabamos moi ben e que "estaba alucinada".  Despois sacamos unha foto todos xuntos na escalinata da entrada. Mentres esperamos a que nos entregasen as caixas dos tenderetes para o mercado fixemos varios xogos. Pasámolo moi ben.

Aprendemos moitas cousas:  que hai un presidente da Deputación en cada provincia (e so hai seis presidentas en todo España!); hai 61 Concellos na provincia de Pontevedra; na Deputación teñen que aprobar e decidir como organizan e distribuen os cartos para axudar aos Concellos: construción de polideportivos, parques, carreteras, concursos, campaña "Depoemprende na escola" ... Como curiosidade vimos os escudos das Deputacións galegas camuflados detrás das lámpadas, por un erro no encargo ao carpinteiro hai 3 escudos de Lugo, un de Pontevedra, outro de Ourense e un de Coruña. Tamén nos contaron a historia do edificio. A Deputación está no actual edificio dende hai 127 anos nada menos, dende 1890.
Vicki e Martiño leron varios artigos da Costitución. Leron moi ben. Tamén falaron Xabi e Nicolás.

A nosa presidenta, Salomé e Stella de 5ºA  foron as mellores. As demáis cooperativas presentaron vídeos sobre o seu traballo, pero apenas falaron. Salo e Stella falaron moito, moi ben  e deron as grazas. Logo recolleron o CIF da empresa.

 Autores: Martiño, Iker, Olalla, Mateo M e David.