Contacontos ...na Pastora

Os nosos nenos e nenas son realmente fantásticos.
Tanto é así que pasan o seu tempo de lecer nos recreo preparando contos e historias para contarlles aos máis pequenos ao longo do ano e hoxe, como agasallo especial, traspasaron as portas do colexio e da man da responsable de Biblioteca, a profe Paula, levaron os seus contos ata ...a Pastora, o seu tan querido e recordado colexio. Alí fixéronlle pasar un rato ben bonito aos pequerrechos de tres anos e fóronse cun gran sorriso, o agradecemento dos cativos, a promesa de máis contos o vindeiro ano e unha bonita foto a carón da súa orla.
Un ciclo que se pecha e da camiño a un novo que empezará á volta do verán con máis contos e historias para compartir.
Mil grazas, meus adorados contacontos!

Tempo de recollida

Estamos nos momentos finais do curso. É tempo de recoller.
Onte recollemos os froitos da horta e fomos ao Concello acompañados tamén da profe María para ver alí expostos os nosos murais da campaña "TBO e non che creo" sobre a prevención do consumo de alcohol.
Hoxe adicamos boa parte da clase a recoller os traballos e os exames.

E xa no final recibimos as felicitacións da vicepresidenta e as colaboradoras de AECC polo traballo realizado na cooperativa:  a doazón de parte dos beneficios para a prevención do cancro. Logo de amosarnos o traballo que realizan na Asociación déronnos uns agasallos e unha placa conmemorativa na que se recolle o seu agradecemento pola colaboración e o interese dos socios da cooperativa.

Mañá, recolleremos as notas e levaremos parte dese traballo realizado ao longo do curso; e levaremos tamén unhas ganas enormes de xogar e descansar... Por fin!

Vicki remata o curso expoñendo unha excelente ppt sobre a Idade Moderna e Olalla amósanos xogo das Ilusións Ópticas que trouxo a clase. Un excelente final.

Entrega do donativo ao Refuxio

Hoxe estivo con nós Olga Costa, do Refuxio de animais de Cambados e fixémoslle entrega de parte dos beneficios obtidos coas ventas dos produtos fabricados na cooperativa. Ela veu acompañada dunha preciosa cadeliña, moi ben educada, que nos ensinou a importancia de cumprir unhas normas, dende pequeniños, para vivir en sociedade, tanto persoas, como animais. Falounos da importancia de que sexamos responsables co coidado dos animais e do medio ambiente en xeral. De seguro que teremos moi en conta as súas indicacións.

Coa profe María

Estamos de parabéns; a profe en prácticas, María, defendeu onte na facultade o seu proxecto, o traballo que realizou coa nosa clase, e acadou a máis alta calificación, nada menos que un 10 e unha matrícula de honra. É un orgullo para todos os que a queremos tanto.

Saimos na tele

Hoxe, a partir das nove e media podedes ver a entrevista que a canle "Rías Baixas" lles fixeron  aos nosos patrulleiros.

Xantar dos socios da cooperativa

Hoxe, toda a clase coa nosa profe Rosa e a nosa profe en practicas, María, ás 14:05 imos a tomar unha deliciosa comida, no café-bar Reymar. Logo iremos ao parque. Imos  a pasalo  de marabilla!!!!!!!

                                                                 Salomé (Presidenta da cooperativa)

Patrullas Urbanas, contacontos, guías, teatro ...

Moitas actividades para un mesmos día.
Martiño, Vicki, Carolina e Candela inauguraron o programa de Patrullar Urbanas da man de Gil, o monitor da Policiía Local de cambados que, no día de hoxe estivo acompañado tamén do xefe da Policía Local. E a ocasión ben o merecía. Os rapaces fixeron un precioso traballo. Van aprender pouco a pouco como coordinarse e como proceder en cada momento, pero, de seguro, conseguirán maior seguridade para o deambular dos nosos alumnos e alumnas e tamén a mellor circulación dos vehículos diante do centro. Mil grazas, equipo.

Logo máis de media clase creou un marabilloso contacontos para recibir aos pequerrechos da pastora: "Noite de mudanzas". O certo é que lles quedou tan ben feita que a profe Paula lles pedíu que a repetisen para os nenos e nenas de terceiro durante o Plan Lector.

O resto da clase fixeron de guías na horta e tiveron que explicarlles aos máis cativos  cales eran as plantas que alí tiñamos: acelgas, espinacas, chícharos, fabas e xudías, pepinos, calabacíns, pementos, repolos, patacas, tomates, cebolas, perexil, albahaca, leitugas e amorodos! Case nada!. Deixamos colocados carteis identificativos de cada especie. O certo é que os carteis son moi de agradecer, mesmo para o alumnado de quinto, que non sempre recorda o nome de cada especie!!!

E para rematar a xornada Salomé, Olalla, Vicki e outro 15 alumnos e alumnas do centro dos diferentes cursos estarán ás catro da tarde no auditorio para representar a obra de teatro "50 anos. Vaia historia!" que relata pequenas pinceladas que conforman a vida dun centro, e que inclúen tamén un pequeno recordo a outros tempos. De novo mil grazas, raparigos e raparigas de quinto.

Na horta con profesores da Deputación

Hoxe tivemos na horta un profesor moi especial, Gerino, que nos ensinou novas técnicas para conseguir unha horta máis ecolóxica e máis coidada. Moitas grazas a todo o equipo.

Xa temos as leitugas ben grandiñas, uns tomates pequeniños, moitas acelgas e algún pemento, pepinos pequerrechos ... As xudias e os chícharos aínda están coa flor. Tardaremos máis en verlles o froito.

Hoxe arrincamos as herbas, pero xa non volveremos cavar o terreo; tamén creamos acolchado para as plantiñas e engadímoslle moi boa terra dos arredores. Os alumnos maiores quedaban titorizando e capando os tomates. Mañá estará todo listo para amosarlla aos pequeniños da Pastora.

NENOS CONTACONTOS

Hoxe, día 8 de xuño do 2018, os nenos de segundo de primaria do colexio CEP Antonio Magariños foron a contarlles aos rapaces de 5ºB un conto de Fina Casalderrey. Gustoulles moito aos maiores. Ao final propuxéronlle aos de 5º facer  nun folio como sería o cartel de Quen me quere adoptar?. Están esperando quen é o gañador.


                                                 CAROLINA REBOEIRAS FALCÓN 5ºB

Excursión de fin de curso

Onte, o día 6 de xuño do 2018, nós os nenos de 5º, fomos de excursión de fin de curso.

O primeiro que visitamos foi o Castro de San Cibrán. Alí, Jota ensinábanos onde vivían e que facían as persoas da Idade do Ferro. Xa en Ourense visitamos a catedral. Logo fomos comer, xogamos e xogamos ata que tocou ir ás Burgas. Queriamos ir nun trenciño para que nos ensinase Ourense, pero non pudo ser. Facemos a última merendola e imos ás...Termas de Prexigueiro!! Estaba todo xenial, dábanche unha pulseira coa chave do teu casilleiro, poídas ir a calquera terma e pasábalo xenial...

A min o que máis me gustou foron as termas;era xenial estar alí. Pero o demais tampouco estaba mal.O que menos me gustou foi o que acabase a excursión.

Salomé Vázquez

SAÍDA DE EMERXENCIA

O pasado martes, día 5 de xuño do 2018, no colexio CEP Antonio Magariños de Cambados realizouse a práctica da saída de emerxencia. Tocou un  timbre longo e os nenos reuníronse no patio grande. Na clase de 5ºA unha nena desaparecera ( o director pedíralle que se agachara na cociña para simular unha desaparición) e os rapaces da súa clase non se deron conta de que faltaba. Logo fixéronlle unha reanimación de mentira.
Estas saídas de emerxencia débense facer porque se un día de verdade temos un incendio e non se prepara pode  pasar algo moi malo.

                                                                        CAROLINA REBOEIRAS 5ºB

TEATRO

Saída de emerxencia

Hoxe fixemos unha saída de emerxencia e estiveron os bomberiros supervisando o proceso. O director subiu a felicitarnos polo ben que fixemos a saída, con moito orden e en silencio. Pero sabemos tamén o que temos que mellorar: o regreso ás aulas so cando toque o timbre de entrada e fin do simulacro!

Concerto do 50 aniversario

Cincuenta anos de historia ben merecen unha celebración por todo o alto. E aí estabades vós, como magníficos interpretes de preciosas cancións que formarán parte xa da vosa historia persoal, da do colexio e da do pobo de Cambados.
Marco Lucato, Lucía González e o coro da Universidade fixeron posible un acople de voces tan perfecto. Moitas grazas a todos.
Parabéns tamén polo voso comportamento ao longo de toda a actuación, porque o voso comportamento fala de vós, e tamén dos vosos pais e nais, do voso colexio e da comunidade toda. E hoxe é un día para sentirnos moi orgullosos. Parabéns, raparigos. E moitas grazas.

Educación Vial

Un circuito de kars no patio do cole é algo sorprendente, pero máis sorprendente é comprobar como, coa práctica aprendemos a importancia de conducir e conducirnos de forma cívica e respectuosa tanto cando somos conductores como cando somos peóns. Agora queda comprobar se todos levamos interiorizado algo máis importante que a propia diversión de térmolo pasado tan ben neste tempo de mañá.

50 aniversario

Con motivo da celebración do 50 aniversario, todos os alumnos e alumnas do centro baixamos ata o xardín dianteiro para plantar unhas flores que nos recorden sempre esta efeméride e a nosa implicación co centro e co coidado do  medio. Cada grupiño de cinco rapaces e rapazas encargouse, coa supervisión das profesionais da xardinería do Concello de plantar unha begonia. Non foi un traballo difícil pero si terá unha pegada importante para todos nós.

Mª Victoria Moreno

Un dos editores das obras de Mª Victoria Moreno e amigo seu, Mascato, estivo no centro para falarnos sobre a vida desta autora e a época que lle tocou vivir. Tamén descubrimos algúns datos ben interesantes sobre a súa obra. Dende logo, aprendemos moito sobre a autora, sobre literatura, sobre historia e sobre todo sobre a importancia de loitar contra as inxustizas.

Entrega de Premios

Hoxe tivo lugar no centro o acto de entrega de premios aos alumnos da nosa aula Mateo Moscato e Pablo Trigo polos seus contos do concurso da Axencia Tributaria. Logo, acompañados dos seus pais, desplazáronse ás dependencias da axencia tributaria en Vilagarcía de Arousa e ata o porto onde puideron visitar un barco de vixiancia aduaneira. Parabéns, rapaces.

Por fin no mercado de Cambados.

Chegou o gran día despois de tanto traballo, de tanta expectación, de tantos preparativos.
E pagou a pena, certamente o esforzo realizado.
O éxito de ventas foi total dado que se esgotaron todos os produtos e mesmo temos varias encargas realizadas.
Pero foi un éxito sobre todo ver como cada un dos socios cumpría o seu cometedo en función do rol que lle correspondeu no seu Departamento: ventas, publicidade, loxística, rexistro, caixa. Ver como uns axudaban e complementaban o traballo dos outros. Comprobar a súa independencia e a súa autonomía ante o público, o seu saber estar e a corrección e pulcritude con que levaron adiante a encomenda. Noraboa rapaces e grazas familias polo apoio prestado.

O traballo que se iniciou alá polo mes de outubro cando tomaron a decisión en asemblea de crear a cooperativa, a presentación e defensa de candidaturas  para desenvolver os roles de presidente, secretario/a ou tesoureiro/a, os procesos electorais; as propostas de logos, lemas, nome de empresa coas consabidas votacións; a redacción de estatutos e actas, as decisións sobre o capital que había de aportar cada socio e o rexistro de socios ... Xa en novembro tivo lugar a presentación na Deputación de Pontevedra da nosa cooperativa por parte da nosa presidenta, Salomé, que realizou un traballo exquisito; a recollida do CIF; as charlas informativas da axencia tributaria sobre a necesidade de pagar impostos e o destino dos mesmos; ou as visitas a outras empresas como Gráficas Salnés cos que tanto aprendemos; a presentación de prototipos de produtos; a realización dun estudo de mercado e de novo votacións para determinar cales se ían fabricar.

De xaneiro a marzo as horas de plástica pasaron voando coa fabricación dos diferentes produtos; dende abril iniciouse a etapa do diseño das etiquetas, tanto en ordenador como en soporte papel; tamén houbo que diseñar os carteis publicitarios e os do posto de venta; presentáronse propostas de embalaxe ...

Na parte administrativa tivemos que preparar o Curriculum Vitae para presentarnos aos diferentes departamentos da empresa e en función das características e cualidades de cada un asignouse a distribución de tarefas. Tivemos que investigar e decidir a que ONG destinariamos parte dos beneficios e a porcentaxe que se ía asignar. As dúas ONG seleccionadas foron AECC e o Refuxio de animais de Cambados.

Tamén aprendemos a redactar unha instancia para solicitar o posto de venta e permiso para  distribuir a publicidade. Recibimos a resposta oficial do Concello; a nosa presidenta pagou no banco as correspondentes tasas e ... con todo listo chegou o gran día: hoxe, 23 de maio.

Aínda quedan dúas tarefas pendentes: escribirlle unha carta ás dúas ONG para facerlles entrega da parte recaudada que se lles vai doar e decidir tamén en que se van gastar os beneficios obtidos coa venta que quedan para os socios: xantar, saída, excursión, festa !!! Pero de seguro, o máis bonito; disfrutar dun estupendo equipo de traballo.

 Co concelleiro de economía:

 Facendo publicidade:

 Case todo vendido xa!!:

Práctica de mercado

Hoxe a terceira hora fixemos unha practica de mercado coa axuda dos nenos  e nenas de 4ºB. Practicamos con todo: coa caixa rexistradora, con  diñeiro ( que era de plástico), coas follas de rexistro ...
Todos o pasamos moi ben, foi moi divertido. E moitas grazas nenos e nenas de 4º!

Salomé (Presidenta da Cooperativa)